PS4销量突破9160万、《Marvel’sSpider-Man》销量迈向1千万！

相信唔少 game 迷都会有部 PS4，喺今时今日电脑慨效能推到好劲慨时候， PlayStation 凭住出色慨独占游戏，喺游戏市场依然占领住龙头位置，睇销量就会知我唔系吹水。

PS4 喺啱啱过去慨圣诞新年档期，喺全球总共卖出超过 560 万部，全球累积销量超过 9,160 万部，超越咗 PS3 慨 8,690 万部。

剩系讲机慨销量冇乜说服力？咁讲埋 game 吖。单单喺 2018 年慨圣诞新年档期， PS4 慨游戏软件全球销量已经有 5,070 万套，而累积咁多年嚟计 PS4 游戏软件全球销量已经突破 8.76 亿套。净系讲今年其中一只几瞩目慨 PS4 独占游戏《 Marvel’s Spider-Man 》，由 9 月推出计到 11 月慨销量已经超过 900 万套，呢几个数字已经证明咗我唔系吹水啦。

PS4 要突破历史上最好卖慨 PS2 慨 1.57 亿部销量相信就有啲难度，因为都传得好劲 PS5 最迟下年会面世，但睇个走势相信要破亿并唔系乜嘢难事。