SwitchPartyGame 游戏售价低于US$15的游戏好玩前五款游戏推荐攻略

今日就系 24 号平安夜，相信早两日开始已经有唔少 Party ，嚟紧呢个礼拜就更加唔使讲！问题嚟喇，今时今日开 Party 肯定会打下机，但无理由下下都孖车、 Overcooked 、最多加多只新啲慨大乱斗，就算唔厌都觉得闷啦，所以细佬就精选咗 5 只喺 Nintendo eShop 卖紧 US$15（约 HK$120 ）慨 Party Game，等大家唔使畀太多钱又有新 game 玩！

Nippon Marathon US$14.99（约 HK$120 ）

继《跑 online 》之后，大家可以透过呢只 game 再次发现“原来跑都可以咁好玩”，当然唔会系《跑 online 》慨玩法，因为呢只 game 系癫架 ww！玩法好简单，咪就系斗快，不过中间有好多你意想唔到慨障碍物，成班 friend 玩肯定会笑到癫！

Oh My Godheads：Party EditionUS$14.99US$8.99（约 HK$72 ）

呢只 Game 就相对就正路得多，胜正够平， HK$100 都唔使。玩法就系每 round 斗快储够指定数量慨头，喺你对手攞紧个头达阵嗰阵你系可以打死佢，你亦可以杀死你对手先去攞个头，因为死咗要几秒先复活，点样避开攻击反杀对手绝对系致胜关键！

Stikbold! A Dodgeball Adventure DeluxeUS$14.99US$7.49（约 HK$60 ）

顾名思义就系闪避球，但有别于大家熟悉慨玩法，呢只 game 玩家会喺一个圆形场对决，畀人丢中或者畀障碍物打中第一次会有啲星星喺头，如果啲星星未散哂再被丢中或者打中就输㗎喇！

BrawloutUS$19.99US$9.99（约 HK$80 ）

呢只一定要讲下，因为呢排大乱斗就好 hit 啦，不过仲会有人问“我对啲角色唔系真系咁有爱，但又想试下咩叫大乱斗，有冇啲平平哋慨选择？”答案系有慨，不过角色选择少好多，亦都冇大地图故事模式，但真系平好多吖嘛。

Death Squared US$14.99（约 HK$120 ）

我知又会有人话“啲 Party Game 嚟嚟去去唔系破坏友情就系 cult 到冇朋友，有冇只系正常啲、益智啲、但又 cult cult 哋、有些少破坏友情慨元素？”得，我又真系揾到只畀你哋，玩法好简单，大家要去各自慨指定地方，不过中间大家要互相配合去触发机关同避开陷阱，只要有一个玩家死咗就要重新嚟过㗎喇！

利申返先，上面 5 只 game 都唔系剩系得 Switch 版，不过相信冇人会否认 Switch 系最啱用嚟开 Party 用慨主机，细佬先 base on Switch 有慨 game 嚟拣，所以上面慨 game 你有兴趣但又冇 Switch 慨话，喺 Steam 或者 PS4 应该都会揾得到！