《任天堂明星大乱斗特别版》什么时候正式出街？大乱斗单人模式玩法介绍推荐

《任天堂明星大乱斗特别版》礼拜五就会正式出街，分分钟今日都已经有铺头攞出嚟，呢只 game 多人期待就肯定㗎喇，特别系有返一定 game 龄慨朋友。不过相信大家都会有个疑问，点解喺单人模式慨开始，卡比会系唯一生还嗰个，系制作人樱井政博慨私心、定真系有特别原因呢？

讲返少少背景先，喺最后一辑 Super Smash Bros. Ultimate Direct 慨尾段公开咗一条有关单人故事模式“灯火之星”慨预告，内容系大乱斗里面几乎所有角色都俾魔王 Galeem 发射慨光线打中而消失（抄 Marvel 变灰 !? ），剩系得卡比骑住佢粒星穿越咗去另一个星球先至避过一劫。

点解会怀疑呢个系樱井慨私心？因为《星の卡比》系列系佢喺 HAL 研究所嗰阵一手创作，可以话系亲生仔，不过佢之前就喺 Fami 通慨专栏否认呢个系佢慨私心：“为咗令到呢个生还者更加有说服力，我哋要拣一个速度上可以赢到 Galeem 慨角色，所以我哋一开始就排除咗只系得‘一般’能力慨角色。跟住因为 Galeem 慨攻击范围系整个星球，所以识得短距离慨瞬移都冇用，只系得返可以违反物理定律慨角色可以拣。大家可能已经唔记得，其实卡比粒星喺第一只 game 已经可以扭曲时空，所以卡比成为咗其中一个生还者有力人选。我哋仲有考虑过 Bayonetta 同 Palutena ，不过佢哋两个慨敌人都喺‘灯火之星’模式里面，所以似乎佢哋唔太大机会可以避过第一次慨攻击。”

解释即系掩饰，即系私心啦 ww（讲笑）。其实如果真系喺卡比、 Bayonetta 同 Palutena 三个里面拣，咁拣卡比又真系合理啲慨，起码识卡比慨人会多啲，而且卡比系初代 8 人之一，唔拣佢，咁你话拣边个喇？

题外话，将“灯火の星”调转读，“星の火灯”慨日文发音咪就系“星のカービィ（星の卡比）”啰！

《任天堂明星大乱斗 Special 》将于 12 月 7 日推出。