PokémonGO12月社群日复刻今年11只主角！

Pokémon GO 由今年一月开始每个月都会搞一次社群日，每次社群日都会拣一只御三家或者稀有啲慨小精灵做主角。喺社群日举行慨时段，被选中慨主角出现率、色违出现率会大幅提高，喺指定时段内将佢哋进化到最终形态会学到平时唔会有慨特别招式（比卡超、伊贝除外）。另外，喺社群日举行慨时段会加推捕捉奖励。

官方就系知道因为 Pokémon Let’s Go 推出，好多人回锅玩返 Pokémon GO（我讲慨ww，咁的确系多返人玩），今年最后一次社群日就一连搞 3 日，复刻返今年 11 只主角，等 miss 咗慨玩家都可以收服返佢哋！

12 月社群日将会喺香港时间 12 月 1 号凌晨 5 点 至 12 月 3 号下午 3 点举行，活动期间今年 11 只主角包括：奇异种子、小火龙、车厘龟、比卡超、伊贝、迷你龙、菊草叶、火球鼠、咩利羊、由基拉同铁哑铃慨出现率会提高，喺呢段时间内将佢哋进化到最终形态会学到特别招式（比卡超、伊贝一捉就有特别招式）。另外喺 12 月 2 号 11:00~14:00 将会有捕捉奖励，包括： Catch XP ×2 、星尘 ×1 、孵蛋所需距离减半。