《PokémonLet’sGo》推出一齐回顾初代Pokémon慨初心

Pokémon 最新作 《 Pokémon Let’s Go 》会喺 11 月 16 日推出，上年慨 11 月 17 日就系《 Pokémon Ultra Sun/Ultra Moon 》推出慨日子，虽然 Let’s Go 唔系正统续作，Switch 正统 Pokémon RPG 要等到下年年尾，但因为 US/UM 系 3DS 最后一款 Pokémon ，所以 Let’s Go 意义上都算系一个新时代慨开始。不过新时代还新时代， Let’s Go 系基于 Pokémon Pikachu 慨重制，咁究竟那些年慨初代 Pokémon 系点呢？究竟点解会有 Pokémon 慨出现呢？

Pokémon 慨设计概念是源自于游戏设计师田尻智慨童年回忆，佢细个嗰阵慨兴趣就系收集昆虫。但随住佢慨家乡因为城市化令到昆虫慨数量持续递减，加上愈嚟愈多细路都比较钟意留返喺室内玩，冇乜意欲出街玩，所以佢设计咗一款类似捕捉昆虫为主题慨 Game —— Pokémon 。他希望玩慨人可以透过为小精灵改名、对战嚟舒缓压力。喺 Pokémon 慨世界小精灵只会失去战斗能力，并唔会喺对战期间流血甚至死亡，因为田尻智唔希望喺游戏世界里面充满无意义慨暴力。喺 Game Boy 发售后，田尻智发现 Game Boy 慨系统同自己慨想法非常吻合，特别系可以利用连接线通讯，咁就实现到玩家之间可以交换自己想要慨小精灵。交换资料慨概念喺当时游戏界仲系一个几创新慨谂法，本来连接线慨用途剩系得对战。

游戏慨主角“小智”系以田尻智本人命名，而“小智”慨劲敌“小茂”系以任天堂游戏开发者、佢慨好朋友 —— 宫本茂命名。田尻智慨另一位朋友、插画家杉森建就负责 Pokémon 慨美术设计。当时佢带领一个 10 人团队设计咗 151 款小精灵，并且亲自以唔同慨角度绘制小精灵。游戏里面慨所有音效就由增田顺一负责，佢利用 Game Boy 慨 4-bit 音频写咗游戏慨 BGM ，同时亦设计咗小精灵慨叫声。

“ Pokémon 赤．绿 ”可以话得到空前慨成功，因为推出双版本，两个版本会有独有慨小精灵，吸引唔少玩家都“ Why not both? ”，买哂两个版本，销量极速攀升，之后仲推出咗两款特别版《 Pokémon 蓝》（英文版系以 Red/Blue 为主销售版本）同《 Pokémon Pikachu 》（俗称黄版），呢两个版本都换咗美术设计、修复咗游戏错误、加咗啲新对白。为咗可以令到 Pokémon 更有话题性，田尻智公开讲 Pokémon 其实有一只隐藏慨小精灵——梦梦，佢认为“创造神秘慨谣言可以令游戏长期得到关注”。

实际上梦梦其实系由森本茂树设计，因为卡带慨容量不足令梦梦冇办法之下被放弃，但佢又唔忍心自己慨创作付诸流水，所以就瞒住田尻智，透过清除游戏慨错误腾出空间，偷偷将梦梦加入游戏。本来梦梦只可以透过任天堂慨官方活动先攞到，但喺 2003 年，一个游戏错误被疯传，令所有玩家都可以轻易收服梦梦。（嗱，我唔系讲紧咩上太空，只系讲紧真系一个好简单慨 bug ，实际系点攞自己 Google 啦 ww ）

喺《 Pokémon Let’s Go 》里面收服梦梦就直接好多，课金就得 ww。留意返，一个 Pokéball Plus 只系得一只梦梦，唔好咁傻猪以为可以无限刷梦梦