FFfans自制墓碑Mod悼FFXVDLCs之死

上个礼拜细佬就同大家报过《 FFXV 》大部分慨 DLC 将会取消开发，出埋 Episode Ardyn 就会正式烂尾，唔做落去慨主因系制作人田畑端已经离开 Square Enix 。

见到咁慨情况，外国有个 fans 为咗悼念呢堆夭折咗慨 DLCs ，自制咗个墓碑 mod“FFXV DLC Memorial ”，摆咗上 Steam Workshop 俾大家免费下载。呢几个墓碑系主角 Noctis 慨装备，即系话大家可以带住堆墓碑一齐冒险，随时悼念呢几只 DLC 。

其实《 FFXV 》到呢一刻个故仔好明显系未完，官方就只系话为咗专注喺新 3A 大作慨开发，先决定中止现阶段《 FFXV 》所有 DLC 慨开发，实际最后会唔会补完个故事，官方并冇交待。