《PokemonLet’sGo》二周目挑战公开！唔止要捉齐仲要练晒151只小精灵！

仲有唔够一个月《 Pokemon Let’s Go Pikachu / Eevee 》就会出喇，咁多位小精灵训练员准备好未呢？其实为咗呢只 game ，任天堂可以话落足心机，先系加入同 Pokemon Go 慨连动元素，玩法有改变又讲明下年会有传统玩法慨正统续作嚟安抚老玩家，出埋限定机，仲要 game 都未出就一大堆周边等紧大家，真系唔怕你唔买，只系怕你冇钱买 ww 。

不过近几代 Pokemon 都有人觉得个二周目好似唔够丰富，当然 online battle 同 battle tree 都有排玩，但似乎有班人想有多啲有变化慨嘢玩下。如果你系呢一班人，相信《 Pokemon Let’s Go 》一定满足到你，因为今次慨二周目系你要用齐 151 只小精灵去挑战 151 个 master trainer ！你冇睇错，系用齐 151 只，鲤鱼王还鲤鱼王、鲤鱼龙还鲤鱼龙！

玩家成功挑战联盟冠军之后，地图就会出现总共 151 个 master trainer ，每个都会有一只特殊慨小精灵，你要用返佢用嗰只小精灵一对一对决，期间系唔可以用道具！点解我会话佢哋攞住慨系特殊慨小精灵？因为佢嗰只系识得一啲克属慨绝招，例如佢只喷火龙系识“雷电拳”（电克飞行，喷火龙系火 + 飞行），如果大家冇事先配好招，做好应对慨话，分分钟未出招就俾人秒咗。

不过辛苦完系有得型慨，你成功挑战就会赢到名衔，例如赢到 Charizard Master 你就会成为 Charizard Master ，你喺网上对战慨时候会显示你系 Charizard Master，连补血慨时候乔伊小姐都会叫你个名衔！

今次都可以话系有排玩，比起捉齐神兽更加花时间，因为唔系捉齐啲初阶、进化晒、开齐图鉴就得，而系每个形态都要留、都要练！唔知点解，细佬我真系好期待铁甲蛹慨对决 ww。

《 Pokemon Let’s Go Pikachu / Eevee 》将会喺 11/16 于 Nintendo Switch 推出。