真系咁闷？《SuperMarioParty》短评
由 N64 年代已经有慨《 Mario Party 》一直都好受大家欢迎，亦都系现今最长寿慨小游戏系列。小编最钟意就系佢将大富翁元素融合小游戏，但亦都因为咁样有人会觉得佢闷，咁究竟系咪真系咁闷呢，就等小编试下啦！
无得 handheld ，都系插返个大 mon 啦！
讲 gameplay 前，讲下大家最关心慨有冇得拎出街玩先！又唔可以话佢冇，但实际上大家又真系唔可以用 handheld mode 玩，即使插大 mon 都唔可以用 Pro 掣或者将 Joy-Con 插落 grip 度玩。所以如果喺屋企玩慨都系插返个 mon 啦，如果系攞出街同人连机就记得揾个可以坐定定慨位先玩！
Mario Party 模式好无聊？
Mario Party 模式即系最传统嗰只玩法，不断储 coins ，经过星星就可以俾钱买。每回合完咗都会玩小游戏，呢个系大家储 coins 慨最佳办法。玩晒咁多回合之后会随机依据特定要求送两粒星，例如：最多 coins 、行得最少、踩得最多负面格等等，最后攞得最多星嗰个就赢（星数相同就多 coins 嗰个赢）。
就咁睇好似无乜特别？但其实玩家踩到慨每一格都有特别：
| 蓝色 | 加 coins |
| 红色 | 减 coins |
| 幸运格 | 随机一个对自己有利慨事件 |
| 蘑菇格 | 随机获得一款道具 |
| ！格 | 指定事件 |
| !? 格 | 随机一个事件（主要为负面效果） |
| 同伴格 | 随机加一个同伴 |
玩家仲有机会揾到隐藏砖磈，有机会攞到星星！经过道具商店可以买道具，有机会买到直接去星星前面一格慨金水管！
每个角色除咗可以用普通骰之外都会有粒专属骰，新手向拣返 Mario 就最啱。
有啲人可能会觉得呢个模式有啲闷，真心如果自己一个玩都真系几闷，但如果同几个熟慨 friend 一齐喴哗鬼叫，个人觉得玩得开心过 《 Overcooked 》！
除咗大富翁模式，仲有咩玩？
Mario Party 2 on 2
其实都系大富翁模式，不过转成两人一组慨队制赛，两个队员需要安排行咩路线可以最易 keep 住买到星，成件事更加斗智斗力！
▲ 2 on 2 有啲唔同，最主要系冇方向限制、踩对手会抢钱同买星星要踩正嗰一格。
河川生存战
貌似普通划艇 game ，实际上同样揉合小游戏元素，途中撞到气球就有得玩小游戏，玩完会加秒数，最后一关会有个 boss 。
▲记得一定要撞气球玩小游戏，唔系慨话一定唔够时间！
成为节拍王
呢个就简单易明，就系玩啲考节奏感慨小游戏。
小游戏模式
顾名思义就系纯粹玩小游戏慨模式，不过比较特别系有个“抢地盘大作战”，玩小游戏慨同时有个类似黑白棋慨游戏，最终抢到最多格慨就赢。
除咗小编上面介绍过慨模式，仲有两个隐藏模式交返俾大家发掘喇！如果你问我值唔值得买，我会问返你叫唔叫到朋友出嚟玩，因为就算上网同 friend 连机，都唔及成班人围威喂咁有乐趣。如果真系叫到朋友一齐玩慨，唔好谂，买啦！
