手掣贵过game！HoriAceCombat7手掣劲炒至二千五！

好多战机 game 迷等咗好耐慨《 Ace Combat 7 》喺上个礼拜就率先推出咗 PS4 版，好多人慨评价都话今次 Bandai 挽回声誉，可见只 game 真系唔错。不过好 game 唔代表佢冇花生，今次慨花生系嚟自佢慨手掣！

伴随住游戏慨推出， Hori 就出咗只 PS4 用慨《 Ace Combat 7 》手掣，原定价 ¥21,578 连税，兑返大约 HK$1,600，赚多少少卖 HK$1,800~1,900 都算合理，殊不知细佬上网居然见到只掣已经炒到上 HK$2,500 ！

点解可以炒到咁贵呢，细佬就收到风原来呢只手掣香港只会出一水，事关玩战机 game 慨人本身唔算多，而战机 game 慨数量又唔多，实际上真系会摆多过用。另外，因为唔少玩开战机 game 慨人都钟意玩 PC 版，而 PC 喺手掣上有大把选择，要 pro 有 pro 、要平有平，唔需要特登买呢只，所以唔少铺头为免卖唔出唔敢入太多。

讲到咁点解又会炒得起呢？事关呢只 game 外界一致唱好，销情比唔少铺头预想好，你知香港几多有钱人㗎啦，买得只 game 就谂住顺手买埋只掣。本来有间出开战机手掣、评价又几好慨 Thrustmaster 今次都有出只 PS4 用手掣，不过唔少人用完都嗌唔好，令到个个想买掣慨都要揾 Hori 嗰只，喺唔会有第二水慨情况下个价就炒起咗！