Pokémon Go 今日终于正式上架，香港人期待已久，个个都迫不及待冲上街捉精灵，到底有咩秘技攻略大家要注意呢？一齐睇睇。

Q：系咪要长开部手机先捉到小精灵？
A：官方指当有小精灵出现时，App 会发出声效同震动提示，进入游戏 App 并点一下小精灵，就可以连接到手机镜头，睇到 AR 效果现身的小精灵。 不过暂时通知功能似乎唔太稳定，想悭电咪忍手唔好长开啰。

Q：系咪要 Fing 部手机捉小精灵？
A：唔使慨，按住屏幕画面上的精灵球，瞄准小精灵扫过去，就可以捉住小精灵。一次扔唔中，扔多几次就得，扔唔中都唔会浪费精灵球；留意返，扔中都唔代表捉到，小精灵有机会跳返出嚟。按住精灵球时会见到小精灵身上不同颜色的瞄准圈，代表不同的捕捉难度，绿色代表容易，橙色为中度，红色为最难。

Q：喺电梯内同搭地铁系咪玩唔到？
A：Pokémon Go 使用 GPS 定位，根据阁下实际位置，在地图上移动。如果身处环境 GPS 讯号不稳定，如电梯、地铁车厢等等，就有可能玩唔到。

Q：系咪只有喺水边先有水属小精灵？
A：唔一定，只系水边出现水属小精灵的机会率比较高，但其他地方一样会有。在 App 上点选右下角即可查看附近可能出现的小精灵，有树叶同脚印的地方就代表有小精灵，目前有初代共 151 只精灵。在 Items 选择 Incense（香氛）亦可以吸引更多小精灵埋嚟，效力持续 30 分钟；如果发现附近有可能出现稀有小精灵，不妨试试。另外到粉红色花瓣的 PokéStop 代表有人使用了诱惑模式（Lure Module），30 分钟内会吸引更多精灵出现，行埋 PokéStop 就可以（贴士：今日在观塘 APM 附近的多个 PokéStop 都有 Lure Module）。

Q：地图上啲蓝色站同银色站系咩嚟？系咪有小精灵？
A：蓝色站系 PokéStop，主要提供各种道具，包括精灵球、蛋同药水等。行到 PokéStop 附近，会见到地图上面 PokéStop 上的正方体会转为圆形，点一下就会见到 PokéStop 位置及图片，轻扫一下就会跌出道具。银色站为道馆（Gym），作对战之用，等级 5 以上就可以挑战道馆。

Q：点样挑战道馆？
A：升到等级 5 时，就可以加入红、黄或蓝队，同其他精灵训练员一齐挑战道馆（不过拣咗队就冇得转）。如果附近的道馆未有人占领，你可以点选后再安排精灵驻场，迎接挑战者。挑战敌队道馆时，每场比赛可以选择6只小精灵，点按小精灵就可以发动攻击，当 HP 跌至零时小精灵就晕倒；其中一方所有小精灵 HP 都跌至零时战斗就结束。CP 值愈高的小精灵，战斗力愈高，另外每只小精灵都各自有不同技能，挑战自己队的道馆都可以令小精灵提升战斗力。

Q：有冇得同朋友对战？
A：暂时未有得同其他玩家对战，亦未有得交换精灵，官方指未来或会逐步开放有关功能。

Q：小精灵 HP 跌到零之后点做？
A：去 Items 中揾药水，再点选需要复原慨小精灵，就可以帮佢补血。

Q：拎咗蛋后要点做？
A：每只蛋都会孵化成一只小精灵，先点选画面正下方的精灵球，再选择 Pokémon，点按 Eggs，就可以睇到已得到的蛋及孵化所需步行距离；愈稀有的小精灵，所孵化所需步行距离愈远。将蛋放入孵化器，行返几公里减下肥，就会得到小精灵啦！（江湖传闻，将手机放喺黑胶碟机、单车辘等等上转都可以孵化精灵蛋）

Q：点样帮小精灵进化？
A：进化小精灵需要特定数量的糖果（Candy），点选精灵再往下扫查看进化（Evolve），就可以见到所需 Candy 数量。每次捉一只精灵、孵蛋或将精灵 Transfer 给博士（Professor），就可以获得Candy；换言之想进化一只小火龙，就需要捉更多小火龙！（最佳方法系见到任何精灵都捉咗先，之后再决定留低或 Transfer。）

Q：星屑（Stardust）有咩用？
A：Stardust 可以用于加强精灵的 CP 值及 HP 值，令它们升级。同样地，每次捉一只精灵、孵蛋或将精灵卖给博士（Professor），就可以获得 Stardust。在小精灵按 Power Up，就可以帮佢哋升级啦！

Q：转机会唔会冇纪录？
A：安装 Pokémon Go 后，大家可以选择用 Google 账户登入，咁就即使换机或者炒 App 需要重新安装，都唔会冇晒所有纪录，重新登入就可以继续玩。

Q：点样关闭背景音乐？
A：大家可以按画面正下方的精灵球，再按左上角，进入设定，选择开关背景音乐、音效、省电模式等等。

Q：系咪可以用交通工具代替步行嚟孵蛋？
A：可以，但有两个条件：1. 要长开着个 game （废话）；2. 车速唔可以快过 10km/h，所以铁路一定冇可能，巴士都要塞车先得。最有效慨系单车慢骑。

开 GAME 前谂一谂 送你一只比卡超