【帝国级】金钻版BB-8盛惠$135,000美金

是咁的，家阵慨玩物要成功流行有几大元素，一同上画中电影有关；二，有特别限量版；三，贵；四，好很贵。美国珠宝金饰公司 Kay Jewelers 就同迪士尼合作，用 18k 黄金同 18卡钻石，打造 4 吋高、1.5 磅重慨 BB-8，全世界只得一只，估价要 $135,000 美元，即过百万港元，真系帝国级数慨玩具呀。

据报呢只金钻版 BB-8 镶有 860 粒钻石，耗时超过 600 小时设计及打造机器人身体，内里中空，再用人手逐粒将钻石镶上。咁矜贵豪华慨 BB-8，又点舍得轻易卖出去呢？呢只金钻版 BB-8 将会喺下星期三纽约举行慨 Force 4 Fashion 活动上拍卖，听个名都知，活动主题系星战啦；而拍卖所得慨款项就会全数捐予当地医院，为“Star Wars: Force For Change”筹款。你以为美国人沉迷星战先谂到星战金饰系列？其实香港周大福都有出售星战系列金饰，人类已经阻止唔到星战联乘商品啦！

来源：CNET