《ZombiU》不再属WiiU独占

仲记唔记得 Wii U 推出时，除任天堂自家作品外，Ubisoft 系当时最落力撑呢部新机慨厂，以《ZombiU》俾 Wii U 独占抢到唔少收视，不过呢个所谓独占即将成为历史，对开发商嚟讲，有钱赚先系最重要。

Wii U 由推出时慨风头趸，变成而家被市场不闻不问，任天堂更以半公开表示明年会有新主机NX 推出，间接宣告 Wii U 条命仔已经差唔多（不过所谓新平台 NX 极可能系一个以 Wii U 为基础慨“功能升级版”），Ubisoft 亦于呢个时候正式宣布《ZombiU》会被移植至 PS4、Xbox One 及 PC，画质更会因应新平台的强大运算能力而有所提升，连游戏名字也会改叫《Zombi》。不过由于《ZombiU》本身有不少元素都系针对 Wii U 主机而设计，所以移植到新平台后内容及元素必有删减，其中多人模式就不会在 PS4、Xbox One 及 PC 呢 3 个版本上见到，因为呢个模式系需要 Wii U GamePad。

系咪想玩呢？预定 8 月 18 日出街，即管到时睇睇会系乜嘢一回事。