Figure迷必买3D投影箱

早前有位动漫迷排咗咁耐买到 Figure，会将 Figure 拎到返屋企个玻璃箱，装起佢系到睇，学佢话真系日日 J。仲会话珍藏啲 Figure，唔会拎出嚟玩，仲问番你转头，摆喺玻璃箱入面点玩啊？要有意义咁玩 Figure，小记就要介绍一个喺动漫节会场入面吸引超级多人睇慨…3D 投影箱，包你见到即刻讲番句：识玩 Figure 一定系咁玩！

如果无去动漫节的话，呢个由 3DsHK 推出慨 3D 投影箱，只要将 Figure 摆喺投影箱入面，播放 MPEG4 格式慨影片，就有唔同慨视觉特技效果，令到个 Figure 好似识郁咁，非常之型！喺市面上卖紧两个 Model：3Ds-M7（W320 x D313 x H260 mm）同 3Ds-M12（290x 458x415mm），分别摆到 7 吋同 12 吋慨 Figure，不过 3DsHK 创办人 Edward 就话可以任由大家订制唔同尺寸，Size 最大可以摆到 1:1 慨Figure。

买番屋企唔需要担心唔识得用，事实上操作简单，插上电掣同 USB，投影箱就自动投影出 MP4。随机仲会附送几段视觉效果慨影片，Edward 仲话有好多Fans 买咗投影箱返屋企仲会自己 Download 其他影片，或者用 AfterEffect 等软件动手制作，再 Send 番畀佢睇，3D 投影完全有电影慨 Feel 啊！同时间，Edward 就话公司策划紧一个交流平台，希望可以令用家有一个平台交流心得同分享自制影片。小记分享完毕，睇完呢个 3D 投影箱，本人都想问一句：外行人识条铁咩？！