梳乎蛋PopupStore登陆旺角～

暑假仲有一个星期就到啦，学生哥有时间喺屋企Hea过够（羡慕～）好彩！小记发现今个暑假喺旺角朗豪坊有梳乎蛋（又称蛋黄哥）慨踪影，即使自己无得抖，但望住梳乎蛋懒洋洋咁训喺度，去一转朗豪坊，心情都会舒畅啲，因为梳乎蛋真系好 kawaii 呢！

行到四楼慨“梳乎町”就会发现…梳乎蛋！

“梳乎蛋食堂”有三间餐厅。

由 7 月 7 号开始，朗豪坊入面都充满住梳乎蛋慨摆设，打造出香港首个 3D 慨“梳乎蛋食堂”布置，包括“梳乎町”有唔同造型慨梳乎蛋，加上特别推介“梳乎駅”同“梳乎列车”。梳乎蛋带埋佢 FD 子 Nisetama 做车长，Hea 住摆甫士同大家影相。 

 
另外，“梳乎寿司店”、“蛋香楼中华料理”同“Gudetama Bakery”三间梳乎蛋食堂仲推出梳乎蛋主题慨嘢食，真系好想食咗梳乎蛋落肚，望到都想大嗌 Oishi～商场 7 楼仲有全港第一个梳乎蛋专卖 Pop-up Store，除咗一般造型慨梳乎蛋精品，为庆祝商场十周年庆，梳乎蛋仲变身做“梳乎红鸡蛋”，以贺寿版造型登场，保证香港独有。想得到手慨朋友们，要喺商场消费满 800 蚊，就可以以换购价换领一套两款慨套装＊。

＊Cushion套装 – 7月17日起、换购价$100
　瓷碗套装 – 7月24日起、换购价$40
　瓷碟套装 – 8月7日起、换购价$60

梳乎蛋Pop-up Store！

好多梳乎蛋啊～～畀我揽下！ 

梳乎蛋～梳乎蛋～完全能够满足本人食、买、玩慨生活态度啊！