踏上飞机王之道

飞机，大家都放过或被人放过。不过千祈唔好睇少放飞机，因为放得叻，可以放到参加世界大赛，成为全球飞机王！

讲既梗系唔系玩失踪嗰种“放飞机”啦，系放“纸飞机”呀，相信任何人细个时一定有玩过。可能大家以为飞机人人都识放，其实要架纸飞机飞得又远又耐，真系好有难度。

比赛会斗三样嘢，“飞得远”、“飞得耐”同埋“花式飞行”。

简单讲，头两项都只限用现场派发的 A4 纸，唔准剪唔准贴只可以用“折”一架飞机出嚟，然后就斗飞得远同飞得耐。

第三项就总之用纸制作一架飞机，然后飞出去，评审会按纸飞机制造技巧、创意设计及飞行表现嚟评分定胜负。

香港站比赛将于三月初在中文大学举行，争夺五月响奥地利举行总决赛的参赛资格。留意佢哋个网页啦。

乜话？唔识折？Google同Youtube都帮到你。

教你折飞机：