CGA香港电竞馆开幕顶级设备、私人教练、VR体验应有尽有！

Cyber Games Arena 喺旺角就开咗一个过万呎、系现时亚洲最大型慨综合电竞馆，叫得综合电竞馆就梗系唔会剩系得啲电脑排哂喺度就算啦，仲有直播房、战术房、正规慨电竞场地等等，细佬而家就带大家睇下呢度有咩玩啦！

ESPORTS ARENA

CGA 呢个全新电竞馆有两层，一入嚟第一眼就会见到 ESPORTS ARENA ，呢度有成 80 部电脑，每部都至少配备 GTX 1080 显卡，平时就系俾大家喺呢度做 team training ，就算要搞啲好似食鸡呢类同时有大量参赛者慨比赛一样应付到！

ENTERTAINMENT ZONE

觉得 ESPORTS ARENA 好似好正经、好 pro 咁，想轻松返啲㖞。得！行入少少就系 ENTERTAINMENT ZONE 。呢度会相对空间大返啲、感觉悠闲啲，仲特登有两部机一排、三部机一排同四部机一排，照顾返唔同 gamer 慨需要。呢度仲特设 GIRL ZONE 女性专区，就算全场爆满男士就唔可以坐喺度㗎！

喺 ENTERTAINMENT ZONE 仲 set 咗几排有两部电脑慨卡位，除咗适合两个 friend 一齐嚟玩之外， CGA 仲可以提供 personal training ，所以 trainer 都系喺呢个电竞馆打得好而被邀请，实力一定有返咁上下！

相信每个 Gamer 其中一个梦想都系想屋企有间 Full Gear 慨 Boss Room，但又边有钱吖。 CGA 为咗一圆咁多位 Gamer 慨梦想，喺 ENTERTAINMENT ZONE 隔离整咗三间 Full Gear 慨房，每间房慨电脑都系配备两张 RTX 2080 ti 显卡、用水冷散热，其他设备都系顶级，真系无乜可能喺屋企可以有咁慨体验！

喺 ESPORTS ARENA、ENTERTAINMENT ZONE 隔离仲有两间直播房同战术房。直播房就配备咗所有直播必需慨设备，平时只系喺屋企开 Live 慨直播主就可以嚟体验下专业级慨设备！而战术房最特别就系配备咗一个可以用手写笔写嘢慨电视，方便教练即时同队员讨论战术！

CONSOLE & MOBILE AREA、E-CAFE

做完 training 想抖下又唔想咁快走，上去阁楼就有 CONSOLE & MOBILE AREA 俾大家 hea 下、玩下手机，每张台都有 USB 叉电位，你抖下叉叉电之余你部手机都有得叉！隔离仲有个 cafe corner ，俾大家买下嘢食嘢饮医下肚。呢个 Area 嚟紧都会同游戏商合作，当有新游戏发布，呢度就可以变成相关慨主题 cafe。

THE STAGE

啲电竞比赛成日都喺啲较为偏远慨地方搞，有时唔系话唔想去睇，但真系唔太就脚，不过嚟紧呢个就唔再系问题。喺 CGA 香港电竞馆慨地库有一个正规慨电竞场地，可以举行 5 对 5 慨电竞赛事，旁边仲有 Media Center ，绝对唔系玩玩下！而家确认会喺度举行慨比赛包括：

• 2019 NBA 2K 亚太区邀请赛
• 英雄联盟港澳区校际杯（初赛及复赛）
• Call of Duty: Black Ops 4 2019 亚洲锦标赛（决赛）
• Logitech G Tournament（初赛及复赛）

嚟紧将会有更多比赛喺呢度举行！

VR ZONE（ coming soon ）

咁大个场地冇理由嘥咗佢，所以喺地库同时设有 VR ZONE ，总共有 6 只 game 俾大家玩，游戏仲会 keep 住更新，不过暂时未对外开放，详情要等官方后续公布。

CGA STORE

喺度玩完好想屋企整返部差唔多慨电脑？放心啦， CGA 香港电竞馆两层都设有商店，地下主要卖电竞相关设备，包括：耳机、 Keyboard 、 Mouse 、 Monitor 、 Notebook 等等，呢度仲有一个 DIY 专区，拣好 parts 自己砌又得、揾专人帮你砌得。

而地库慨 store 主要就系卖啲周边，嚟紧会引入多啲电竞游戏慨 figure 同埋外国战队慨周边。

CGA esports Stadium

地址：旺角麦花臣汇地下及地库

开幕优惠

推广时间：2019 年 1 月 29 日 至 2020 年 1 月 28 日

1. 全年任玩通行证，价值 $12,800 ，适用于 eSports Arena 、 VR 体验区、Boss Room 及直播室畅玩 10 小时。
2. 充值 $88,888 成为 VVIP ，咁就可以带埋三个 friend ，全年任玩电竞馆慨所有设备，仲送你价值超过 $40,000 慨电竞装备，适用于 eSports Arena 所有座位及房型收费及 VR 体验区。