如果可以再嚟一次……《Biohazard2》免费DLC2月15日推出

喺《 Biohazard 2 》正式推出前慨最后一个直播节目里面，官方就讲咗将会有一个免费 DLC “ The Ghost Survivors ”，嗰阵咩画面都冇，仲以为会有排先出，估唔到 2 月 15 日就会出喇！

“ The Ghost Survivors ”以三个喺本篇剧情死咗慨角色作为主角，分别系枪铺老板、市长个女同 USS 其中一个队员，佢哋相应慨章节分别系“ No Time To Mourn ”、“ Runaway ”同“ Forgotten Soldier ”，呢个模式仲会有本篇冇慨敌人！

顺便讲下啲有趣慨数据俾大家听，原来有 79% 慨玩家都拣玩 Leon 条线先（肯定系因为想见到 Ada ww ），而家全球玩家慨总游玩时数已经超过 1773 年，想睇更多有趣慨数据好似究竟 Leon 只鳄鱼吞咗几多次、只鳄鱼重咗几多公斤等等，即刻上 RE.NET 睇啦，有啲要你登入咗同玩过嗰个剧情先会睇到。